Déi Chrëschtlech Sozial Jugend (CSJ) huet den 1. Mäerz 2025 hiren Nationalkongress am Centre Culturel Machera zu Gréiwemaacher ofgehalen.
De Staatsminister an CSV-Parteipresident Luc Frieden huet iwwer déi aktuell Erausfuerderungen an eiser Gesellschaft geschwat. Hien huet betount, datt déi rezent Entwécklungen am Ukrain-Krich an d’Aussoen vum amerikaneschen President eis als Europäer opfuerderen, zesummen ze stoen a mat enger Stëmm ze schwätzen.
Am Kader vum Nationalkongress hu mir eisen Memberen d’Positioun zu enger méiglecher Pensiounsreform presentéiert. Mir hunn och eng Rei vun Themen diskutéiert an Resolutiounen ugeholl.
